Húsaskóli

Miðvikudaginn 18. apríl (síðasta vetrardag) var spiladagur á miðstiginu.  Setið var við 17 borð frammi á gangi og spiluð félagsvist þar sem farið var eftir ströngustu reglum.  Veitt voru stráka og stelpuverðlaun fyrir flesta slagina (aðalverðlaun), fæstu slagina (skammarverðlaun) og fyrir að sitja lengst við sama borðið (setuverðlaun).

Allir stóðu sig virkilega vel bæði í spili og hegðun.  Frábær dagur!

Við þökkum Bókabúð Grafarvogs, Ísfólkinu og Urðarapóteki fyrir að styrkja okkur með því að gefa verðlaunin.

ÞP

Í tilefni barnamenningarhátíðar fór 6. bekkur á Biophilia tónsmiðju.

Biophilia er samstarfsverkefni  Bjarkar Guðmundsdóttur, Háskóla Íslands og Reykjavíkurborgar. Smiðjan fór  fram í  Háskólabíó þar sem Vísindasmiðjan er til húsa.

Markmið verkefnisins var að samþætta á nýstárlegan hátt tónlist, vísindi og tölvutækni. Nemendur kynntust undraheimi vísinda og tónlistar með lifandi og gagnvirkum hætti og sköpuðu sína eigin tónlist í töfraveröld Bjarkar.